حوار مع قلبى

قلبى : وحشتني
انا : بس اللي هيه عملته لازم نبعد

قلبى :وحشتني
انا : هي اللي قالت لازم نبعد

قلبى :محتاجها
انا : ماينفعش نشحت حبها

قلبى : بحبها
انا : عارف بس لازم تجمد شوية

قلبى : ازاي اجمد علي اللي حسسيتني بأحلي مشاعر في حياتي
انا : هي لو بتحبني حتكلمني

قلبى :انت كلمها
انا : هي اللي خنتك مش انتا اللى خنتها

قلبى :عايز اسمع صوتها
انا : و كرامتي

قلبى :و حبي ليها
انا : ما ينفعش أكلمها

قلبى :لأ كلمها و قولها انك حتعمل اي حاجة عشانها بس ما تسيبكش
انا : بس هي سابتني

قلبى :حاول و سيبني انا اتصرف
انا : انت كل مرة تتصرف بتيجي علي كرامتنا

قلبى :الحب ما فيهوش كرامة
انا : لأ فيه

قلبى :ازاي
انا : اللي بيحب حد لازم يحافظله علي كرامته

قلبى :بس هي بتحبك
انا : لو بتحبني كانت ما تسيبنيش ابدا

قلبى :بس ممكن تكون الظروف ضغطت عليها
انا : و قلبها قدرت تسكته لحد دلوقتي

قلبى :بحبها
انا : عارف

قلبى :نفسي اروحلها و اقولها محتاجك
انا : عارف

قلبى :تقدر تتخيلها مع حد تاني
انا : ده انا اموت بس حقولها ربنا يحميكي و يوفقك ويحافظ عليكى

قلبى :دافع عنها و حارب عشانها
انا : ازاي و هي مش واقفة جنبي حبها كان بيديني قوة غريبة

قلبى :حبها جواك مش معاها
انا : بس روحي معاها

قلبى :و حشتني
انا : حاول

قلبى :مش قادر
انا : استحمل

قلبى :مش حقدر اعيش من غيرها
انا : حاول تنساها

قلبى :ازاي وكل حاجة حلوة وكل كلمة حب بتفكرني بيها
انا : لازم

قلبى :بحبها
انا : و اناكمان

قلبى :بموت فيها
انا : و انا كمااااااااااااااااان

قلبى :وحشتني
انا : وحشتنى