قالوا عنا ارهابية ...

قالوا عنا ارهابية ...

بدي اسال سؤال محيرني ومالو مثال

بدي اسأل هالسجان وهالجندي وهالشاهد عيان

بدي اسأل هالحمام .. بدي اسأل أهل السلام

قال احنا ارهابية ؟!!

قال الشعب اللي بقدم بدل الشهيد مية!

قال الام يلي بتضحي بفلدة كبدها .. ارهابية!

بدي اسأل سؤال خلاني احكي هالموال

هالوطن لمين ؟؟ النا .. ولا لهالصهاينة المحتلين

وهالقدس لمين؟ .. معقول يكون حائط البراق اسمو حائط البكايين!!

معقول تكون تل الربيع اسمها تل ابيب واحنا مش عارفين

معقول تكون المجدل اسمها مجدلون!!

معقول نكون عنجد ارهابيين!!

بدي اسأل سؤال صارلو اجيال ورا اجيال

شو صار باللجسير وحمامة والبرير؟

لو ستي عندي كان حكتلي قصة التمنية واربعين

بس يا خسارة راحت تعمل علاج طبيعي في ارض الملك حسين

ما علينا من هالموضوع .. ونرجع للسؤال

انا اتعبت وانا اسال وما في جواب يوصف هالحال

لكن فكرت ولقيت الجواب متخبي ورا الشمس والهلال

اذا احنا ارهابية . كان هالوطن ما هو النا

وهالارض ما هي النا .. وكان كنا متسلطين

لكن هذا وطننا وهذه ارضنا من ايام حطين

احنا يا ناس مش ارهابية

احنا شعب بيناضل عشان الحرية

شعب صامد ما بيركع .. سمونا شعب الجبارين

احنا الشعب اللي استسلمت قدامو دول بالملايين

احنا شعب فلسطين

شعب الحجر والمقليعة والسكين

شعب الحرية الحمرا والارض الخضرا

الشعب اللي عشق تراب وطنو .. احنا شعب فلسطين